2007 წლის 7 ნოემბრის მოვლენებიდან 15 წელი გავიდა. 15 წლის წინ, ამ დღეს გამთენიისას, სამართალდამცავებმა პარლამენტის მიმდებარე ტერიტორიაზე მცირერიცხოვანი აქციის დარბევა დაიწყეს. ამის მიუხედავად, მოქალაქეები რუსთაველის გამზირზე შეკრებას აგრძელებდნენ. 

დღის მეორე ნახევარში აქციის მონაწილეებმა რიყეზე გადაინაცვლეს. რის შემდეგაც, მალევე სპეცრაზმმა რიყის აქციაც დაარბია.

2007 წლის 7 ნოემბერს, დღის ბოლოს,სამართალდამცავები ტელეკომპანია „იმედში“ შეიჭრნენ. დალეწეს აპარატურა, გაითიშა არხის სამაუწყებლო სიგნალი. დარბევისა და ტელეკომპანიის მაუწყებლობის შეწყვეტის შემდეგ, 15 დღით, საგანგებო მდგომარეობა გამოცხადდა.