სამხრეთ აფრიკის ლიმპოპოს პროვინციაში, ორი ქალის მკვლელობის ფაქტზე სამი მამაკაცი დააკავეს. დაკავებულმა პირებმა მათი სხეულები ღორებს დაასახიჩრებინეს ფერმაში, სადაც ისინი მუშაობდნენ.
ფერმის მფლობელმა, ზედამხედველმა და თანამშრომელმა ლოკადია ნდლოვუს და მარია მაკგათოს იმ დროს ესროლეს, როდესაც ისინი ფერმაში უნებართვოდ შედიოდნენ. ქალები ვადაგასული რძის პროდუქტების შეგროვებას აპირებდნენ, რომლებიც ფერმასთან სატვირთო მანქანამ გადატვირთა.
სამხრეთ აფრიკის მაუწყებლის Newzroom Afrika-ის ინფორმაციით, ნდლოვუს მეუღლემ პოლიციას ინციდენტის შესახებ შეატყობინა და სასწრაფო დახმარება გამოიძახა. პოლიციის ოფიცრებმა ცხედრები ღორების ფერმაში რამდენიმე დღის შემდეგ იპოვეს.
პოლიციამ დაადასტურა, რომ მაკგათოსა და ნდლოვუს ცხედრები ღორებმა დაკბინეს. მათ სხეულზე ცეცხლსასროლი იარაღით მიყენებული მრავლობითი ჭრილობა აღენიშნებოდათ.
დაკავებული პირები ლიმპოპოს სასამართლოში უკვე გამოცხადდნენ. სასამართლო პროცესი მომავალ თვეში გაგრძელდება.
სამხრეთ აფრიკის ფერმებში ძალადობრივი დანაშაულები (მათ შორის კრიმინალების მიერ ფერმერების მკვლელობა და ასევე ფერმერების მიერ მუშების შეურაცხყოფა) წლების განმავლობაში საზოგადოების შეშფოთებას იწვევს.
0
0
