დასკვნითი შეხვედრები უკვე გაიმართა ქალაქის ცენტრალურ ნაწილში, სადაც მმართველი პარტიისადმი პატივისცემა და მხარდაჭერა მოქალაქეებმა ღიად დააფიქსირეს.

„მჯერა 2 ოქტომბერს ჩვენ ყველა ერთად მივიღებთ მნიშვნელოვან გადაწყვეტილებას. მხარს დავუჭერთ სტაბილურობას, პროგრესს და ძლიერ სამტრედიას. „ქართული ოცნების“ გუნდი დამაჯერებლად გაიმარჯვებს ადგილობრივი თვითმმართველობის არჩევნებში და ჩვენ ერთად ავაშენებთ ძლიერ, განვითარებულ სამტრედიას“, - განაცხადა დავით ბახტაძემ.

პარტიის პიარსამსახურის ინფორმაციით, საარჩევნო კამპანიის ფარგლებში, სამტრედიის მუნიციპალიტეტის მერობის კანდიდატმა, დავით ბახტაძემ მუნიციპალიტეტის მასშტაბით, ყველა უბანში და ადმინისტრაციულ ერთეულში გამართა შეხვედრები.