2 დეკემბერს, ირაკლი კობახიძის ხელმძღვანელობითა და მთავრობის ახალი შემადგენლობით, პირველი სხდომა გაიმართება. საქართველოს მთავრობის ადმინისტრაციაში სხდომა 11:00 საათზეა ჩანიშნული.

როგორც ცნობილია, მე-11 პარლამენტმა მთავრობას ნდობა 28 ნოემბერს გამოუცხადა. განახლებულმა მინისტრთა კაბინეტმა პარლამენტის ნდობა 84 ხმით, ერთხმად მიიღო.

პარლამენტის პლენარულ სხდომაზე თავდაპირველად პრემიერ-მინისტრის პოსტზე წარდგენილი ირაკლი კობახიძე გამოვიდა, რომელმაც “ქართული ოცნების“ დეპუტატებს სამთავრობო პროგრამა გააცნო. 

სესიამდე მინისტრობის კანდიდატებს “ქართული ოცნების“ დეპუტატებმა კომიტეტებისა და ფრაქციის ფორმატში მოუსმინეს.