15 დაკარგულთაგან ერთი ადამიანი ცოცხალია - ზურაბ ბიბილეიშვილი კონტაქტზე გამოვიდა.

ამის შესახებ ინფორმაცია რამდენიმე წუთის წინ თემურ მღებრიშვილმა დაადასტურა.

„ნეგატივის შემდეგ, ერთი ძალიან იმედის მომცემი ინფორმაცია შემიძლია გითხრათ, რომ ცხელ ხაზსა და 112-ში იყო დაფიქსირებული, დაკარგულთა სიაში ზურაბ ბიბილეიშვილი. ოპერატიული საგამოძიებო მოქმედებებით დადგინდა, რომ ეს პირი ჯანმრთელია, ცოცხალია და ამ დროისთვის სტიქიის ზონაში არ იმყოფება“, - აცხადებს მღებრიშვილი.

მღებრიშვილის ინფორმაციით, დაკარგულთა რიცხვი 14-მდე შემცირდა.

დეტალები ამ ეტაპზე უცნობია.

ამ დროისთვის, დაკარგულთა რაოდენობა ერთით შემცირდა.

როგორც ცნობილია, ოფიციალური ინფორმაციით, სტიქიას 19 ადამიანი ემსხვერპლა.