აშშ-ის სახელმწიფო მდივანი ენტონი ბლინკენი რუსეთ-საქართველოს ომიდან 15 წლის გასვლას ეხმაურება და Twitter-ზე წერს, რომ ამერიკის შეერთებული შტატები მტკიცედ უჭერს მხარს საქართველოს სუვერენიტეტს, ტერიტორიულ მთლიანობას და ევროატლანტიკურ მისწრაფებებს.

„დღეს თხუთმეტი წელი შესრულდა მას შემდეგ, რაც რუსეთი საქართველოში შეიჭრა და მისი ტერიტორიის 20%-ის ოკუპირება მოახდინა. რუსეთი ისევ უარს ამბობს 2008 წლის ცეცხლის შეწყვეტის შეთანხმების შესრულებაზე. ამერიკის შეერთებული შტატები მტკიცედ უჭერს მხარს საქართველოს სუვერენიტეტს, ტერიტორიულ მთლიანობას და ევროატლანტიკურ მისწრაფებებს“, - წერს ენტონი ბლინკენი.