არასრულწლოვნის მიმართ გარყვნილი ქმედების საქმე გაუპატიურების მუხლით გადაკვალიფიცირდა. ექსპერტიზის დასკვნით, 14 წლის გოგოს მიმართ ადგილი ქონდა სექსუალურ ძალადობას.

ამ ბრალდებით ოზურგეთში 33 წლის მამაკაცი დააკავეს. "რუსთავი 2"-ის ინფორმაციით, ბრალდებული მსხვერპლის ოჯახში მიწის ნაკვეთის შეძენის მიზნით იყო მისული.

მოზარდი ამბობს, რომ მამაკაცმა მასზე სექსუალურად იძალადა, თუმცა დაკავებული ბრალდებებს უარყოფს.

"რუსთავი 2"-ის ინფორმაციით, დაკავებული ქურდულ სამყაროსთან დაკავშირებული პირია. ის წარსულში განზრახ მკვლელობისთვის იხდიდა სასჯელს. საუბარია 2010 წელს, მდინარე ბჟუჟის ნაპირთან 24 წლის ახალგაზრდის მკვლელობაზე.