14 მაისს საქართველოს მართლმადიდებელი ეკლესია კეთილმორწმუნე ქართველთა მეფეს თამარს იხსენებს.

თამარ მეფე საქართველოს 1184-1213 წლებში მეფობდა. ქრისტიანობასა და ეკლესიის კეთილდღეობაზე ზრუნვისთვის საქართველოს მართლმადიდებელმა ეკლესიამ მეფე თამარი წმინდანად შერაცხა და მისი ხსენების დღედ 14 მაისი დაადგინა.

თამარობის დღესასწაული განსაკუთრებით აღინიშნება თბილისში, დიდუბის ღვთისმშობლის ეკლესიაში, სადაც გადმოცემით, თამარი ლოცულობდა და ჯვარი დაიწერა დავით სოსლანზე. საზეიმო ღონისძიებები ტარდება აგრეთვე ქალაქ ახალციხეში (სამცხე-ჯავახეთი).

მორწმუნეები ხატს შესთხოვენ სულიერი და ფიზიკური ავადობისგან განკურნებასა და საცხოვრებლის სტიქიური უბედურებისგან დაცვას. 

წყარო: dogma.ge