ჩი­ნე­თის ქა­ლაქ ჰან­და­ნის ხე­ლი­სუფ­ლე­ბამ სამი თი­ნე­ი­ჯე­რი ბიჭი მათი თა­ნაკ­ლა­სე­ლის სას­ტი­კი მკვლე­ლო­ბის გამო და­ა­კა­ვა, იუ­წყე­ბა ად­გი­ლობ­რი­ვი მე­დია. 13 წლის ბი­ჭის გვა­მი პო­ლი­ცი­ამ ბოსტნე­უ­ლის ბაღ­ში იპო­ვა.

ბავ­შვის მა­მის გან­ცხა­დე­ბით, მას სკო­ლა­ში აბუ­ლინ­გებ­დნენ. პო­ლი­ცია საქ­მეს გან­ზრახ მკვლე­ლო­ბის მცდე­ლო­ბის­თვის იძი­ებს.

სა­მი­ვე ეჭ­ვმი­ტა­ნი­ლი 14 წლამ­დე ასა­კი­საა. ჩი­ნე­თის კა­ნონ­მდებ­ლო­ბით, 12 წელს გა­და­ცი­ლე­ბუ­ლი და 14 წლამ­დე ასა­კის პი­რე­ბის სის­ხლის­სა­მარ­თლებ­რი­ვი დევ­ნა მა­ში­ნაა დაშ­ვე­ბუ­ლი, თუ ამას უმაღ­ლე­სი სა­ხალ­ხო პრო­კუ­რა­ტუ­რა, ანუ ქვეყ­ნის უმაღ­ლე­სი პრო­კუ­რა­ტუ­რა გა­და­წყვეტს.

ად­გი­ლობ­რი­ვი მე­დი­ის ცნო­ბით, მსხვერ­პლიც და მისი თა­ნაკ­ლა­სე­ლე­ბიც ე.წ. "მი­ტო­ვე­ბუ­ლი ბავ­შვე­ბი" არი­ან. ეს ტერ­მი­ნი იმ ბავ­შვე­ბის აღ­სა­წე­რად გა­მო­ი­ყე­ნე­ბა, რომ­ლე­ბიც ბე­ბი­ას­თან და ბა­ბუ­ას­თან სოფ­ლად ცხოვ­რო­ბენ, მა­ნამ, სა­ნამ მათი მშობ­ლე­ბი ქა­ლა­ქებ­ში მუ­შა­ო­ბენ.

გარ­დაც­ვლი­ლი ბავ­შვის მა­მამ სა­ჯა­როდ გა­მოქ­ვეყ­ნე­ბულ ვი­დე­ო­ში გა­ნა­ცხა­და, რომ მისი ვაჟი 10 მარტს ნა­შუ­ა­დღევს გა­უ­ჩი­ნარ­და. ხე­ლი­სუფ­ლე­ბის გან­ცხა­დე­ბით, ბიჭი სა­ვა­რა­უ­დოდ იმა­ვე დღეს გარ­და­იც­ვა­ლა.

"ჩემი შვი­ლი 10 მარტს, შუ­ა­დღის სამ სა­ათ­ზე ჯერ კი­დევ ცო­ცხა­ლი იყო. მთე­ლი მისი ფული ან­გა­რი­ში­დან 16:10 სა­ათ­ზე გა­და­ი­რი­ცხა, ამის შემ­დეგ კი ტე­ლე­ფო­ნი სა­ერ­თოდ გა­მო­ირ­თო",- თქვა მა­მამ. გარ­დაც­ვა­ლე­ბამ­დე ბი­ჭის სა­ბან­კო ან­გა­რი­ში­დან 191 იუ­ა­ნი ($17) სამი კლა­სე­ლი­დან ერთ-ერ­თის ან­გა­რიშ­ზე გა­და­ი­რი­ცხა.

პო­ლი­ცია ამ დრომ­დე იძი­ებს მკვლე­ლო­ბის მო­ტივს.