“გავიგეთ ვინ არიან ქვეყნის მოღალატეები,” – ამის შესახებ მსახიობმა ნანკა კალატოზიშვილმა ტვ "პირველის“ ეთერში განაცხადა. მან უცხოური გავლენის აგენტების შესახებ კანონპროექტთან დაკავშირებით კომენტარი გააკეთა.

„კი ვიცოდით, რომ მოღალატეობრივი ქმედებები აქვთ, მაგრამ ასე ღიად, დაუფარავად…78 დეპუტატი ზის პარლამენტში და ხელი აქვთ უკვე დაჭერილი, უკან გაწვევას უკვე მნიშვნელობა არ აქვს, ჩვენ ღიად და დაუფარავად ვიცით, რომ 78 მოღალატე გვიზის პარლამენტში, რომელიც ყველაფერზე წამსვლელია.

აი ამით როგორ უნდა გავაგრძელოთ ცხოვრება, ამ ფაქტით და რა უნდა გავაკეთოთ ეს მე უკვე აღარ ვიცი იმიტომ, რომ რაში უნდა ვენდო? ეს ხომ სრულიად აბსურდია.

12 პუნქტის შემსრულებელი არის ეს ხელისუფლება? არა მგონია…“ – აღნიშნა ნანკა კალატოზიშვილმა.