ქობულეთის მუნიციპალიტეტში უხვი ნალექის შედეგად 10-მდე საცხოვრებელი სახლი დაზიანდა,- ამის შესახებ ქობულეთის მუნიციპალიტეტის მერიაში “ინტერპრესნიუსს” განუცხადეს.

უწყების ინფორმაციით, დაზარალებული ოჯახები უსაფრთხო ადგილზე არიან გადაყვანილი.

მათივე თქმით, მუნიციპალიტეტში 1000-ზე მეტი ოჯახი ელექტრო ენერგიის გარეშეა დარჩენილი.

“შიდა სასოფლო გზები ჯერ -ჯერობით ვერ იწმინდება, ამ ეტაპზე, სოფლის ცენტრამდე მისასვლელი გზა იწმინდება. 10 - მდე საცხოვრებელი სახლია დაზიანებული, მოსახლეობა გადაყვანილია უსაფრთხო ადგილზე, ამ ეტაპზე ცენტრალური გზები იწმინდება. ელექტროენერგია ნაწილობრივ აღდგენილია, შუქის გარეშე 1000 - ზე მეტი ოჯახია დარჩენილი. პაციენტებს, რომლებიც საჭიროებენ დახმარებას, სამაშველო სამსახურთან ერთად ვეხმარებით”, - აცხადებენ მერიაში.