იტალიაში ტურისტები რისკავენ მინიმუმ 15 000 ევროს ჯარიმას და 5 წლამდე თავისუფლების აღკვეთას იმ ქმედებისთვის, რასაც რომის კოლიზეუმის  კედლებზე წარწერების ამოტვიფრას ან სხვა ქმედებას გულისხმობს. ამის შესახებ იტალიური მედია წერს.

ახალგაზრდა კაცმა, რომლის ვინაობა ჯერჯერობით უცნობია, კოლიზეუმის კედელზე თავისი საყვარელი ადამიანის სახელი ამოტვიფრა.

ინციდენტი  23 ივნისს მოხდა და ის სოციალურ ქსელში გამვლელებმა ატვირთეს.

„დიდი უკულტურობის ნიშნად მიმაჩნია, რომ ტურისტმა დაამახინჯა მსოფლიოში ერთ-ერთი ყველაზე ცნობილი ადგილი, ისტორიის ისეთი მემკვიდრეობა, როგორიც არის კოლიზეუმი, რათა თავისი შეყვარებულის სახელი ამოეკვეთა“, - აღნიშნა იტალიის კულტურის მინისტრმა ჯენარო სანჯულიანომ.

მან ასევე იმედი გამოთქვა, რომ ვინც ამას გააკეთებს, გამოვლინდება და კანონის შესაბამისად დაისჯება.

ამ ეპიზოდის გარდა, 2023 წლის პირველ ექვს თვეში დარეგისტრირდა კიდევ სამი საჩივარი კოლიზეუმის დაზიანების შესახებ.