26 მაისი საქართველოს დამოუკიდებლობის დღეა - ამ თარიღთან დაკავშირებით ღონისძიებები მთელი ქვეყნის მასშტაბით იმართება. წელს საქართველოს დამოუკიდებლობის დღის მთავარი გზავნილია - „თავისუფლების სიყვარულით“.

საზეიმო ღონისძიებები თბილისსა და რეგიონებში დილიდან დაიწყო. 

თავისუფლების მოედანზე ფიცის დადების საზეიმო ცერემონია შედგა. ახალწვეულებმა ფიცი, წელს პირველად, ერთდროულად 10 რეგიონსა და თბილისში ერთდროულად დადეს. 

სიტყვით გამოვიდნენ საქართველოს პრეზიდენტი, პრემიერ-მინისტრი და პარლამენტის თავმჯდომარე.

ღონისძიების ერთ-ერთი ემოციური ნაწილი იყო ავიაშოუ და ანსამბლ „რუსთავის“ და სამების საპატრიარქო გუნდის მომღერლების მიერ შესრულებული  - „გვიმღერია, კვლავაც ვიმღერთ ჩვენს ტკბილ მრავალჟამიერსა“.

რაც შეეხება ავიაშოუს, მასში თავდაცვის ძალების კუთვნილი ახლადმოდერნიზებული SU – 25, MI – 24, UH -1 მონაწილეობდნენ, რომლებიც მარნეულის საავიაციო ბაზიდან აფრინდნენ. საქართველოს დროშით კი სამმა ვერტმფრენმა გადაიფრინა.

იხილეთ ავიაშოუ, საქართველოს დროშა ცაზე და მრავალჟამიერი: