სოციალურ ქსელში მცხეთიდან ვიდეო კადრები ვრცელდება, სადაც ასახულია მდინარეში მყოფი წავები:

“წავები მცხეთაში” - წერენ სოცქსელში.

წავი მტაცებელი ძუძუმწოვარია კვერნისებრთა ოჯახის. მისი სხეულის სიგრძეა 55-95 სმ, მასა 6-10 კგ. ზოგჯერ მათი წონა 17 კგ აღწევს. 

ზურგის მხარე მუქი მურა აქვს, მუცელი ღია, ვერცხლისფერი. 

გავრცელებულია ევროპაში, აზიასა და ჩრდილო-დასავლეთ აფრიკაში. 

საქართველოში თითქმის ყველგან გვხვდება. არჩევს ტყის მდინარეების სანაპიროებს, უფრო ნაკლებად ტბებს. კარგად ცურავს და ყვინთავს. იკვებება თევზებით, ბაყაყებით, წყლის მემინდვრიებით, კიბოსნაირებით, ჭიებით, ფრინველებით, მათი მართვეებით. მაკეობა 8-10 კვირას გრძელდება. 2 წელიწადში ერთხელ შობს სამ ნაშიერს. ბეწვი ძალზე ლამაზი და გამძლეა.