საქართველოს პრეზიდენტი სალომე ზურაბიშვილი, პრაღაში, უნივერსიტეტთან მომხდარი სროლის შედეგად დაღუპულთა ოჯახებს სამძიმარს უცხადებს.

„ვწუხვარ პრაღის ცენტრში მომხდარი ტრაგიკული შემთხვევისა და მასობრივი სროლის გამო. ვუსამძიმრებ დაღუპულთა ოჯახის წევრებს“, - წერს სალომე ზურაბიშვილი სოციალურ ქსელში.

ცნობისთვის, ჩეხეთის დედაქალაქში სროლის ხმა დღის მეორე ნახევარში გაისმა. პრაღის უნივერსიტეტში შეიარაღებულმა პირმა ცეცხლი იმ დროს გაიხსნა, როცა სასწავლო დაწესებულებაში ასობით სტუდენტი და თანამშრომელი იმყოფებოდა. ბოლო მონაცემებით, სროლას 15 ადამიანი ემსხვერპლა, 30-ზე მეტი კი დაშავდა.