რაჭაში ზაზა მესხს, მეუღლესთან და სამ მცირეწლოვან ბავშვთან ერთად ამ დრომდე უშედეგოდ ეძებენ.

თუ ვინმე ფლობთ ინფორმაციას დარეკეთ ნომერზე 551 24 69 69.

ოჯახი ჰოლანდიაში ცხოვრობს. ზაზა მესხი, მეუღლესთან და სამ შვილთან ერთად, კოტეჯში ისვენებდა.
„ავტომანქანით წავიდნენ შოვის დასათვალიერებლად, მაგრამ არც მანქანა ჩანს და ვერც ამ ადამიანებს ვუკავშირდებით.

გუშინ, 12 საათის შემდეგ, კონტაქტზე აღარ გამოსულან. არც მანქანა ჩანს, არც ეს ოჯახი ჩანს“ – ამბობს ავთო ყავლაშვილი. მისი თქმით, ოჯახი აქ დასასვენებლად იყო ჩამოსული.

ამ დროისთვის დამეწყრილ ტერიტორიაზე სამძებრო სამუშაოები მიმდინარეობს, ადგილზე იმყოფებიან ზაზა მესხის ნათესავებიც.

ცნობისთვის, სტიქიას 7 ადამიანი ემსხვერპლა. 30-ზე მეტ ადამიანთან დაკავშირება კვლავ ვერ ხერხდება.

7 აგვისტო გლოვის დღედ გამოცხადდა.