რაჭაში სტიქიის შედეგად დაკარგულებს ამ დრომდე ეძებენ. სოციალურ ქსელში დაკარგული ოჯახის ახლობლები ინფორმაციებს მუდმივად ავრცელებენ.

ამჯერად მამაკაცის შესახებ დაიწერა, რომელსაც ახლობლები ეძებენ.

„გამარჯობა. სტიქიის შემდეგ ვეძებთ ლევან რაზმაძეს. თუ ვინმემ რამე იცით გთხოვთ დაგვიკავშირდეთ“,- წერენ ჯგუფში.

შეგახსენებთ, რომ 3 აგვისტოს შოვში მეწყერი ჩამოწვა. სტიქიას რაჭაში 11 ადამიანის სიცოცხლე ემსხვერპლა, 25-მდე ადამიანს კი ამ დრომდე ეძებენ. სტიქიის ზონიდან უსაფრთხო ადგილას სულ 210 ადამიანია გაყვანილი.

სამძებრო-სამუშაოებში ჩართულია 400-მდე მაშველი, ორი ვერტმფრენი, პროცესში ჩაერთო ჯარიც. შოვში მომხდარ სტიქიასთან დაკავშირებით ამოქმედებულია ცხელი ხაზი - 598 913 089.