დმიტრო კულებამ სერგეი ლავროვი დეზინფორმაციის გავრცელებაში დაადანაშაულა და აღნიშნა, რომ უკრაინელი ჯარისკაცები ღირსეულად იცავენ სამშობლოს.
„ბატონო ლავროვ, გესმით? ახლა უკრაინაში ერთადერთი იდეოლოგია არის სახალხო ომი რუსი დამპყრობლების წინააღმდეგ. რუსი ჯარისკაცები ხორცსაკეპ მანქანაში ჩაყარეთ, რაც საერთოდ არ გადარდებთ. უკრაინაში ჩირაღდნები კი არ იწვის, არამედ რუსული ტანკები“, - განაცხადა დმიტრო კულებამ.
კულებამ ხაზგასმით აღნიშნა, რომ რუსეთის ხელისუფლებისგან განსხვავებით, პრეზიდენტი ზელენსკი და უკრაინული არმია ხალხთან ერთად არიან როგორც ომის, ასევე მშვიდობის დროს.
„ვოლოდიმირ ზელენსკი არ არის ბუნკერში დამალული, ის ხალხთან ახლოს არის. ის რჩება უკრაინის გულში, კიევში და რიგითი მოქალაქეების გვერდიგვერდ იცავს სახელმწიფოს“, - დასძინა დმიტრო კულებამ.
0
0
