საპარლამენტო უმრავლესობის ლიდერი, მამუკა მდინარაძე, ეხმიანება პარტია „ახლის“ დამფუძნებლის, ნიკა გვარამიას განცხადებას, რომელმაც დაადასტურა, რომ „მთავარმა“ გრანტი მოიგო, თუმცა ყოველგვარი მიზნობრიობის გარეშე.

„საოცარი ინფორმაციები ვრცელდება. უკვე იმაში გვარწმუნებენ, მილიონებს მიზნობრიობის გარეშე გვაძლევენო… უკვე ღიად ადასტურებენ, რომ საკუთარ ქვეყანას, საქართველოს ყიდიან, მაგრამ თავად ქვეყანა და ხალხი არ დაუშვებს ამას! სამშობლო არ იყიდება!” - წერს მამუკა მდინარაძე.

მდინარაძის ფეისბუკ-პოსტს „ევროპული საქართველოს“ ერთ-ერთი ლიდერი, თამარ ჩერგოლეიშვილი ცინიკური პოსტით გამოეხმაურა:

„თქვენი იმედი მაქვს ბატონო მამუკა რომ კაცებად არ გადააკეთებინებთ ჩემს შვილებს!!“ - წერს ჩერგოლეიშვილი.