„სახალხო სეირნობები უნდა მორჩეს - უნდა მოვითხოვოთ მთავრობის გადადგომა, დროებითი, კოალიციური მთავრობის შექმნა, სასწრაფოდ ვადამდელი არჩევნების დანიშვნა. ამისთვის კი საჭირო ხალხის გამოსვლა და დგომა. თუ საჭირო გახდება, მაიდანის ჩატარება“, - წერს „ძალა ერთობაშია“ ხელმძღვანელი დავით ქაცარავა.

ჟურნალისტი დავით პაიჭაძე გამოსავალს მოსახლეობისგან ხელისუფლებაზე მიმართულ ტერორში ხედავს.

„მე - ტერორს. ტერორს ქვემოდან, მოსახლეობისგან, ხელისუფლებაზე მიმართულს. ოღონდ მაგის თავი არავის გვაქვს. თავი რა, ტ....ი. არაერთ ქვეყანაში მიმართეს მაგ საშუალებას და ბოლოს, ზოგან, ისიც მხოლოდ ევროპაში, ტკივილებისა და მსხვერპლის ფასად მიაღწიეს მშვიდობას და კომპრომისს. ტერორისტებიც აზრზე მოვიდნენ და ხელისუფლებებიც. ამ ხელისუფლებას ადამიანის ენა არ ესმის. იმ ხელისუფლებებსაც არ ესმოდათ. მერე, ასე თუ ისე, გაიგეს“, - წერს დავით პაიჭაძე.

აქვე სოფო ჭყონია წერს, რომ ოპოზიცია „სეირნობას“ უნდა მორჩეს.