ოპოზიციონერი დეპუტატი გუბაზ სანიკიძე აცხადებს, რომ საქართველოში გაბატონებულია „ავთვისებიანი იდიოტიზმი“.

„ჩვენ ვართ სიბოროტის ალიანსის წევრები. ეს არის ბელარუსი, რუსეთი, ირანი, ჩრდილოეთ კორეა და საქართველო. არც ერთი პოსტსაბჭოთა სივრცე ასეთი დოზით არ ექვემდებარება რუსულ პროპაგანდას. 

პირდაპირ  ასლი აქვთ გადმოღებული რუსეთიდან. რასაც ლაპარაკობს სოლოვიოვი, იმას ლაპარაკობს „იმედი“ და მათი ტელევიზიები. მარგარიტა სიმონიანის თეზისებს იზიარებენ. რუსული ხელისუფლებაა ეს. ეს არის საოკუპაციო ხელისუფლება და  მეხუთე კოლონა მართავს ქვეყანას, თავისი ამომრჩევლით. ისევ იმედი აქვთ, რუსეთი გაიმარჯვებს. 

საქართველოში გაბატონებულია ავთვისებიანი იდიოტიზმი. უკრაინის ომში - რუსეთი გაიმარჯვებს, თუ უკრაინა გაიმარჯვებს, სად უფრო მეტიო  შანსი გვაქვს, რომ დავიბრუნოთ ტერიტორიები? რუსეთის გამარჯვების შემთხვევაში გჯერათ ვინმეს რომ აფხაზეთი და ცხინვალი დაბრუნდება?! სისუსტით როგორ შეიძლება მტერი მოიგერიო! უკრაინა თუ დამარცხდა ჩვენგან, რომ არაფერი არ დარჩება ხომ იცით?!“ - აცხადებს გუბაზ სანიკიძე.