დაპირისპირება მოხდა „საავტორო უფლებათა ასოციაციის“ ოფისთან. დღეს GCA-ში საერთო კრება გაიმართა, რომელსაც ასოციაციის წევრ ხელოვანთა მხოლოდ ნაწილი დაესწრო.

150-მდე ავტორ-შემსრულებელთა უფლებადამცველები კი, რომლებმაც ადგილზე ხელოვანთა მინდობილობებიც წარადგინეს, სხდომაზე არ დაუშვეს.

უფლებადამცველების თქმით, ამ ფორმით გიგა კობალაძე საკუთარი ლეგიტიმაციის გახანგრძლივებას ცდილობს.

GCA-ში კი განაცხადეს, რომ ადვოკატთა მიერ წარდგენილი მინდობილობები ხარვეზიანი იყო და სწორედ ეს გახდა სხდომაზე მათი არ დაშვების მიზეზი.

საერთო კრებაზე გამგეობის წევრები და ასოციაციის თავმჯდომარე აირჩიეს. ასევე დამტკიცდა ახალი წესდება.