მისივე თქმით, სამედიცინო გართულებების თავიდან ასაცილებლად ექსპრეზიდენტის გამოკვლევა და პირად ექიმებთან კონსულტაციაა საჭირო. 

„სააკაშვილის თავის ტვინში არსებობს ნევროლოგიური დაზიანებები, რომელთა გამოკვლევის გარეშე შესაძლებელია, ხვალ, ზეგ დადგეს ძალიან რეალური რისკი. იმისათვის, რომ ეს რისკი იყოს შემცირებული, საჭირო და აუცილებელია მისთვის სათანადო სამედიცინო დახმარების გაწევა, რაც გულისხმობს როგორც კვლევას, ასევე მის პირად ექიმებთან კონსულტაციის შესაძლებლობას, რის საშუალებასაც ყოველგვარი სამართლებრივი არგუმენტის გარეშე სასჯელაღსრულების სისტემა დღემდე არ აძლევს მას“, - განაცხადა გიორგი მშვენიერაძემ.