რუსეთის საგარეო საქმეთა სამინისტროს წარმომადგენელი, მარია ზახაროვა უკრაინის პრეზიდენტის, ვოლოდიმირ ზელენსკის განცხადებას გამოეხმაურა, რომელმაც თქვა, რომ კიევს ჯერ არცერთი ცენტი არ მიუღია უკრაინის აღდგენისთვის.

ზახაროვას თქმით, კიევი დასავლეთიდან ფულს მხოლოდ უკრაინის განადგურებისთვის იღებს და მისი სპონსორები არ არიან დაინტერესებულნი აღდგენით, არამედ მხოლოდ ქვეყნის „ნარჩენების“ გაყოფით.

„ჯერჯერობით კიევის რეჟიმი მხოლოდ უკრაინის განადგურებისთვის იღებს ფულს. როცა დასავლეთი ქვეყანას საკმარისად განადგურებულად ჩათვლის, მაშინ სხვა ამბავი დაიწყება. ოღონდ არა აღდგენა, არამედ ნარჩენების დაყოფა“, - წერს ზახაროვა.