ქვეყნის მასშტაბით „ქართული ოცნების“ პარტიული კონფერენციები გრძელდება. 29-30 მარტს , შეხვედრები ხულოში, შუახევში, ქედაში, ხელვაჩაურსა და ქობულეთში გაიმართება.

მმართველი გუნდის შეფასებით, მსგავსი ტიპის შეხვედრებს დიდი მნიშვნელობა აქვს, ვინაიდან, პარტიული ხელმძღვანელობის მხრიდან, მნიშვნელოვანია მოხდეს აზრებისა და ინფორმაციის გაზიარება.

გუშინ, ბათუმში განვითარებული მოვლენების გათვალისწინებით, „ქართულ ოცნებაში“ არ გამორიცხავენ, რომ ოპოზიციის მხრიდან კონფერენციების გამართვაში, ხელის შეშლის მცდელობებიც იქნება. ბათუმში, „ნაციონალური მოძრაობის“ წევრმა, ხათუნა ბერიძემ „ქართული ოცნების“ წევრ გიორგი გიორგაძეს ფიზიკური შეურაცხყოფა მიაყენა.