12-18 დეკემბრის პერიოდში „ომიკრონით“ ინფიცირების წილი 73,2%-მდე გაიზარდა, „დელტას“ წილი კი 26,6%-მდე შემცირდა, მაშინ როცა წინა კვირაში შემთხვევების 87% „დელტას“ შტამზე მოდიოდა.

„ომიკრონის“ შემთხვევები ამერიკის თითქმის ყველა შტატშია დაფიქსირებული, გამონაკლისს მხოლოდ ოკლაჰომა და ჩრდილოეთ დაკოტა წარმოადგენენ. ზოგიერთ შტატში „ომიკრონით“ ინფიცირებულთა წილი 90%-ს აღემატება.

ABC News-ის ცნობით, ამერიკაში „ომიკრონით“ ინფიცირებული პაციენტის პირველი გარდაცვალებაც დაფიქსირდა. კერძოდ, გარდაცვლილია ტეხასის შტატში მცხოვრები 50 წლის კაცი, რომელიც აუცრელი იყო.