ოხანაშვილმა „ვარდების რევოლუციაზე“ საუბრისას აღნიშნა, რომ ყველას ქვეყნისა და დემოკრატიის განვითარების მოლოდინი ჰქონდა, სინამდვილეში კი დანაშაულებრივი რეჟიმი მივიღეთ.

„ქართული სახელმწიფოებრიობა მრავალი საუკუნის წინ შეიქმნა და თხოვნა იქნება, „ნაციონალური მოძრაობის“ მესიჯბოქსს ნუ აყვებით, რომ „ნაციონალური მოძრაობა“ ქართულ სახელმწიფოებრიობას უდრის, ეს არის სამარცხვინო განცხადება.

„ვარდების რევოლუციას“ ის პოლიტიკური მნიშვნელობა ჰქონდა, რომ ყველას ქვეყნისა და დემოკრატიის განვითარების მოლოდინი ჰქონდა. საბოლოოდ, შედეგობრივად, დანაშაულებრივი რეჟიმი მივიღეთ, რაც არის სამწუხარო ფაქტი. ბოკერია-სააკაშვილისა და სხვების დანაშაულებრივი რეჟიმი მივიღეთ. „ვარდების რევოლუციის“ შემოქმედი მხოლოდ მიხეილ სააკაშვილი არ იყო.

ნებისმიერი ადამიანი, რომელიც დანაშაულს ჩაიდენს, რისი შემოქმედიც არ უნდა იყოს, კანონი ითხოვს, რომ პასუხი აგოს. ვერ ვხვდები, რისი დაკავშირება გინდათ, თუ ადამიანმა კარგი საქმე გააკეთა და ამის შემდეგ დანაშაულები ჩაიდინა, პასუხი არ უნდა აგოს? ამას აკავშირებთ ერთმანეთთან? საწყისი რაც იყო, შედეგობრივად ვერ იყო გამართლებული“, – მიმართა ჟურნალისტებს ანრი ოხანაშვილმა.