მისი თქმით, სააკაშვილის შემოსვლამ პოლარიზაციის გამძაფრების გარდა არაფერი მოიტანა.

„იმაზე მეტი გამბედაობა აღმოაჩნდა, ვიდრე მეგონა. ჩემთვის, როგორც მოქალაქისთვის, უბრალოდ აღმაშფოთებელი იყო, როგორც შემოვიდა. სააკაშვილი ჩვეულებრივი ადამიანი არ არის, ორჯერ იყო ამ სახელმწიფოს პრეზიდენტი და შეიარაღებული ჯარების უმაღლესი მთავარსარდალი.

მწვანილით დატვირთული მანქანით რომ შემოიპარები, ამით შეურაცხყოფას აყენებ სახელმწიფოს, რომელსაც მართავდი ორი ვადით. როგორც ნავალნი ჩავიდა - კაცურად, წინასწარ დეკლარირებულად, კამერების თანდასწრებით, ასე რომ ჩამოსულიყო, უფრო კაცურად მოიქცეოდა. მისმა ჩამოსვლამ ცოტა გამაოცა, ეგეთი გამბედავი არ მეგონა, სულ სხვა წარმოდგენა მქონდა“, - განაცხადა ალეკო ელისაშვილმა.