ისტორიულ მატჩში საქართველოს მორაგბეთა ნაკრების მიერ უელსის დამარცხების გამო ჯორჯიის შტატის რაგბის კავშირს განმარტების გაკეთება მოუხდა.

უცხოელ გულშემატკივართა დიდმა ნაწილმა გამარჯვება საქართველოს ნაცვლად, ჯორჯიის შტატის წარმომადგენლებს მიულოცეს.

„მიუხედავად იმისა, რომ ჩვენ ვაფასებთ მილოცვის წერილებს. უნდა აღინიშნოს, რომ ჩვენ, ჯორჯიის რაგბის კავშირს, დღეს უელსი არ დაგვიმარცხებია.  

მაგრამ მადლობა.

ვულოცავთ ქართველ ერს ისტორიულ გამარჯვებას“, - აღნიშნულია ჯორჯიის რაგბის კავშირის განცხადებაში.

ცნობისთვის, ბორჯღალოსნები კარდიფში TIER 1-ის გუნდ უელსის ნაკრებს დაუპირისპირდნენ და ისტორიული გამარჯვება მოიპოვეს. დაძაბული მატჩი 12:13 საქართველოს გამარჯვებით დასრულდა.