ოკუპირებული აფხაზეთის ე.წ. საგარეო საქმეთა მინისტრი ინალ არძინბა აცხადებს, რომ ბელარუსის ავტორიტარულმა ლიდერმა ალექსანდრე ლუკაშენკომ გადაწყვიტა, აფხაზეთთან დაუბეგრავი ვაჭრობის უზრუნველყოფა. ინფორმაცია ბელორუსის მხრიდან ჯერ არ დადასტურებულა. იუწყება „ეკო კავკაზა“.

„დე ფაქტო, ჩვენთვის ეს ნიშნავს ეკონომიკურ აღიარებას. ბელორუსის რესპუბლიკასთან პოლიტიკური ურთიერთობების შემდგომი ტრაექტორია დამოკიდებულია იმაზე, თუ როგორ ვისარგებლებთ ამ შესაძლებლობით“ - განაცხადა არძინბამ.

მისი თქმით, ოკუპირებული აფხაზეთი ბელარუსთან სავაჭრო-ეკონომიკურ კავშირებს ამყარებს. გარდა ამისა, არძინბამ ისაუბრა „აფხაზეთი- არაბთა გაერთიანებული საამიროების“ ბიზნეს საბჭოს შექმნის გეგმებზე.