საერთაშორისო სამედიცინო ორგანიზაციის „ექიმები საზღვრების გარეშე“ (MSF) ერთ-ერთი მედდის მოჰამედ ჰავაჯრეს განცხადებით, „ჯაბალიას“ ლტოლვილთა ბანაკზე  განხორციელებული საჰაერო თავდასხმის შემდეგ, ღაზას ქალაქ ალ-შიფას საავადმყოფოში ბევრმა დაშავებულმა ითხოვა დახმარება.

„საავადმყოფოში ბავშვები მოვიდნენ  ღრმა ჭრილობებით და მძიმე დამწვრობით. ისინი ოჯახის გარეშე მოვიდნენ. ბავშვები ყვიროდნენ და მშობლებს ითხოვდნენ. მე მათთან დავრჩი მანამ, სანამ მათთვის ადგილი არ ვიპოვე, რადგან საავადმყოფო სავსეა პაციენტებით", - თქვა მოჰამედ ჰავაჯრემ.

საერთაშორისო სამედიცინო ორგანიზაცია შეშფოთებულია „ჯაბალიაზე“ საჰაერო თავდასხმის გამო, გმობს "უაზრო ძალადობის ბოლო ეპიზოდს" და მხარეებს ცეცხლის შეწყვეტისკენ მოუწოდებს.