ისრაელის სასწრაფო დახმარების სამსახურში აცხადებენ, რომ ტერორისტული დაჯგუფება „ჰამასის“ თავდასხმის შედეგად, სულ მცირე, 22 ადამიანი დაიღუპა.

როგორც ისრაელის მედია წერს, კრიტიკულ მდგომარეობაშია, სულ მცირე, 70 ადამიანი.

როგორც მედია წერს, დაღუპულთა რიცხვი სავარაუდოდ, გაიზრდება.

ღაზას სექტორიდან ისრაელის მიმართულებით რაკეტები დღეს, გამთენიისას გაუშვეს. სარაკეტო თავდასხმის შედეგად დაშავდა ისრაელის 100-ზე მეტი მოქალაქე. თავდასხმაზე პასუხისმგებლობა მოძრაობა „ჰამასმა“ აიღო.

ამასთან, ღაზას სექტორიდან ისრაელის მიმართულებით განხორციელებული სარაკეტო თავდასხმის გამო, ისრაელის თავდაცვის ძალებმა საომარი მდგომარეობა გამოაცხადეს.