გასული სეზონიდან მოყოლებული „ბარსელონა“ თავის საშინაო მატჩებს „მონჟუიკის“ სტადიონზე ატარებს, რადგან კლუბის ძირითად არენას რეკონსტრუქცია უტარდება. ახლა ცნობილი გახდა, როდის დაბრუნდება გუნდი ლეგენდარულ არენაზე.

როგორც გამოცემა Relevo წერს, „ბარსელონას“ პირველადი გეგმით, „კამპ ნოუზე“ დაბრუნება 2025 წლის დასაწყისში უნდა მომხდარიყო, მაგრამ ეს, დიდი ალბათობით, არ მოხდება.

სტადიონის რეკონსტრუქცია ჭიანურდება, ამიტომაც კლუბი ახლა არ გამორიცხავს იმის ალბათობას, რომ მთელი სეზონის გატარება „მონჟუიკზე“ მოუწევს.

ასეთ შემთხვევაში „კამპ ნოუზე“ დაბრუნება მხოლოდ 2025 წლის აგვისტოში მოხერხდება.