მეღვინეობა „ბადაგონი“ პირველი ღვინის კომპანიაა, რომელმაც კახეთში ფერმერებისგან ყურძნის ჩაბარება უკვე დაიწყო. 

როგორც კომპანიის დირექტორმა მარი გიორგაძემ  რადიო „სივრცეს“ განუცხადა, “ბადაგონში” 2024 წლის რთველმა სტარტი წარმატებით აიღო.  

მისი თქმით, კომპანიაში  ცქრიალა ღვინისთვის ყურძნის მიღება ინტენსიურად მიმდინარეობს. 

„რთველი 2024 უკვე  დაიწყო და წარმატებით მიმდინარეობს. „ბადაგონში“ დავიწყეთ ცქრიალა ღვინისთვის ყურძნის მიღება. წელს,  ყურძნის ხარისხი გამორჩეულად მაღალია. მეღვინეობა „ბადაგონი“ საკუთარი ვენახებიდან და ფერმერებისგან 9000 ტონა ყურძნის მიღებას და გადამუშავებას გეგმავს.“- განაცხადა მარი გიორგაძემ. 

აღასანიშნავია, რომ „ბადაგონის“  ქარხანასთან ყურძნის ჩაბარების მსურველთა რიგები არ წყდება.