„მთავარი არხის“ დამფუძნებელ ნიკა გვარამიას გადაცემა „რეაქციაში“ სტუმრობისას ჰკითხეს, შესაძლებელია თუ არა, პრემიერ-მინისტრად იყაროს კენჭი. ამის პასუხად, გვარამიამ განაცხადა:

„გამორიცხვით, თავისთავად ცხადია, არ გამოვრიცხავ. არათუ ახლა, არც არასდროს გამომირიცხავს პრინციპში. ერთადერთი, რაზეც შემიძლია ვთქვა არასდროს - მე მარტო არასდროს არ მივიღებ ამ გადაწყვეტილებას, ჩემი ოჯახის წევრების გარეშე. ისინი უნდა იყვნენ ამაზე თანახმა, ჩემთვის, ეს არის კრიტიკულად მნიშვნელოვანი. ამის გარეშე ეს არ გამოვა, მაგრამ სხვადასხვა ადამიანის აზრები ამასთან დაკავშირებით, ვისი აზრიც ჩემთვის მნიშვნელოვანია და შეიძლება გადამწყვეტიც აღმოჩნდეს მოგვიანებით, არჩევანს რომ გავაკეთებ, ეს რა თქმა უნდა, ჩემთვის საინტერესოა“, - აცხადებს ნიკა გვარამია.