,„ალტინფოს“ წარმომადგენლებმა საქართველოს საკანონმდებლო ორგანოსთან ევროკავშირის დროშა ჩამოხსნეს და ფეხით გათელეს. 

„ალტინფოს“ წევრები ცდილობდნენ ევროკავშირის დროშის ნაცვლად საქართველოს დროშა მოეთავსებინათ.

მანამდე კი, პრორუსული ძალები საპროტესტო აქციას სააკაძის მოედანზე, ტექნიკურ უნივერსიტეტთან მართავდნენ.

ცნობისთვის, ევროკავშირის, ნატოს და საქართველოსთან დიპლომატიური ურთიერთობის მქონე ქვეყნის სიმბოლოების შებღალვა დასჯადი 2022 წლის იანვრიდან გახდა - ამისთვის 1000-ლარიანი, განმეორებით კი 2000-ლარიანი ჯარიმა, ან 15-დღიანი პატიმრობაა გათვალისწინებული.