საბერძნეთის პრემიერ-მინისტრი მოსახლეობას მოსალოდნელი სახიფათო ტყის ხანძრების შესახებ აფრთხილებს:

,,საბერძნეთი, ხანგრძლივ გვალვასა და უჩვეულოდ ძლიერ ქართან ერთად, ტყის ხანძრების საფრთხის წინაშე დგას,“ - განაცხადა საბერძნეთის პრემიერ-მინისტრმა კირიაკოს მიცოტაკისმა.

”წელს განსაკუთრებით საშიში ზაფხულია... ყველაზე რთული დრო ჯერ კიდევ წინ გველოდება. 

ათენის მახლობლად გაჩენილი ორი ხანძრის შედეგად, 100 000 კვ.მ-მდე მიწის ფართობი განადგურდა. საგანგებო სახელმწიფო უწყებების რეაგირების შემდეგ, შესაძლებელი გახდა ზარალის თავიდან აცილება", - განაცხადა მიცოტაკისმა სიტყვით გამოსვლისას.

მიცოტაკისმა ასევე საზოგადოებას ბუნებრივი საფრთხისგან კოლექტიური თავდაცვის უზრუნველყოფაში ჩართვისკენ მოუწოდა. 

როგორც Reuters-ი წერს, 29-30 ივნისს, საბერძნეთში ათობით ხანძარი გაჩნდა, მათ შორის ორი - დედაქალაქ ათენთან ახლოს.
მეცნიერები ხმელთაშუა ზღვის აუზის ქვეყნებში გავრცელებულ ტყის ხანძრებს კლიმატის ცვლილების შედეგებს უკავშირებენ.