„ალბანეთი არის ძალიან რთული მეტოქე. მათაც ძალიან კარგი ევროპის ჩემპიონატი ითამაშეს. რა თქმა უნდა, მიზანია დავანახოთ, რომ შეგვიძლია ამ დონეზე სისტემატურად თამაშიდან თამაშამდე უფრო კარგად ვითამაშოთ." - ამის შესახებ საქართველოს ფეხბურთის ფედერაციის ვიცე-პრეზიდენტმა ალექსანდრე იაშვილმა განაცხადა

"ევროპის ჩემპიონატზე უდიდესი ძალა იყო ჩვენი გულშემატკივარი და ფეხბურთში ტყუილად არ ამბობენ, რომ გულშემატკივარი მეთორმეტე მოთამაშეა. მათი მხარდაჭერა ჩვენთვის არის უდიდესი ძალა და ფეხბურთელებს უფრო მეტის გაკეთების შესაძლებლობას აძლევს“, - აღნიშნა იაშვილმა.

ალბანეთისა და საქართველოს ნაკრებების შეხვედრა დღეს, 22:45 საათზე გაიმართება.