იუსტიციის უმაღლესი საბჭოს ყოფილი არამოსამართლე წევრი ნაზი ჯანეზაშვილი აცხადებს, რომ საქართველოს პრეზიდენტი სალომე ზურაბიშვილი თავისი სიჩუმით, ხელს აფარებს სანქცირებულ მოსამართლეებს.

„სალომე ზურაბიშვილმა იუსტიციის საბჭოს არამოსამართლე წევრად დანიშნა აწ უკვე სანქცირებული მოსამართლის, ირაკლი შენგელიას ნათესავი - თამარ ღვამიჩავა. მხოლოდ სწორი შეფასებები საკმარისი არ არის, რა იქნება რომ თქვას, როგორ დანიშნა ეს წევრი ამ თანამდებობაზე? გახდეს სისტემის მამხილებელი და არა შემფასებელი. პრეზიდენტი ამ სიჩუმით ხელს აფარებს სანქცირებულ მოსამართლეებს“, - წერს fACEBOOK-ზე ნაზი ჯანეზაშვილი.

ცნობისთვის, სალომე ზურაბიშვილმა აშშ-ის სახელმწიფო დეპარტამენტის მიერ რამდენიმე ქართველი მოსამართლის მიმართ დაწესებულ სანქციებთან დაკავშირებით ბრიფინგი გამართა.