საქართველო ერთა ლიგის ფინალშია. ევრო 2024-ის პლეი ოფის ნახევარფინალში ეროვნულმა ნაკრებმა ლუქსემბურგი 2:0 დაამარცხა. ორივე გოლი ბუდუ ზივზივაძემ გაიტანა.

21 მარტის მატჩში დისკვალიფიკაციის გამო ვერ ითამაშა ხვიჩა კვარაცხელიამ. ბუდუ ზივზივაძის თქმით, ის ფეხბურთის ფედერაციის დაჯილდოებაზე გუნდს დაპირდა, რომ ნახევარფინალს თავის თავზე აიღებდა.

"როცა დაჯილდოება იყო ფედერაციის, მაშინ ვუთხარი გიორგი კაციტაძეს, ლუქსემბურგს ჩემს თავზე ვიღებ და ფინალში კვარა რომ დაგვემატება, კვარამ მიხედოს მეთქი, ეგრეც მოხდა" - თქვა ზივზივაძემ.

ერთა ლიგის ფინალი 26 მარტს გაიმართება. საქართველო საბერძნეთს თბილისში შეხვდება, რომელმაც ყაზახეთი 5:0 დაამარცხა.