ბრაზილიის საფეხბურთო კლუბი “სანტოსი” სამგზის მსოფლიო ჩემპიონის, ლეგენდარული პელეს დაკრძალვისთვის ემზადება.

როგორც ბრიტანელმა ბიზნესმენმა, სპორტის მართვის სააგენტოს მფლობელმა, ფრენკ ხალიდმა განაცხადა, პელე ახლობლებსა და მეგობრებს უკვე დაემშვიდობა.

პელეს მსხვილი ნაწლავის კიბო აქვს და ამჟამად ის საავადმყოფოშია.

როგორც ხალიდი “ტვიტერში” წერს, “ფეხბურთის ლეგენდა ონკოლოგიასთან ბრძოლაში ნელ-ნელა მარცხდება. ოჯახმა განაცხადა, რომ “მისი მდგომარეობა ისევ გაუარესდა”.

“სანტოსთან”, რომელიც პელეს მშობლიური კლუბია, ოქროს კუბო განათავსეს, რომ ბრაზილიელებს ლეგენდასთან დამშვიდობების შესაძლებლობა ჰქონდეთ.

კუბო სტადიონთან ახლოს გაშლილ კარავშია მოთავსებული.