ვარაზისხევში აქციის მონაწილეებსა და მძღოლებს შორის შელაპარაკება მოხდა. მძღოლები გზის გახსნას და გადაადგილების შესაძლებლობას ითხოვდნენ.

აქციის მონაწილეები მძღოლებს ურჩევდნენ, ავტომანქანები დაეპარკინგებინათ და ფეხით გაეგრძელებინათ გზა.

ვითარება სამართალდამცველებმა განმუხტეს და ავტომანქანების ტერიტორიიდან გაყვანა უზრუნველყვეს.

აქციის მონაწილეებმა ვარიზისხევი და ჭავჭავაძის გამზირი გადაკეტეს. აქტივისტებთან ერთად, ადგილზე იმყოფებიან პოლიტიკოსებიც, მათ შორის ნიკა გვარამია, ხატია დეკანოიძე და ელენე ხოშტარია.

აქციის მონაწილეები აცხადებენ, რომ ადგილზე კარვებში ღამის გათევას აპირებენ.