ჩრდილოეთის მელოტი იბისი, რომელიც ევროპიდან 3 საუკუნეზე მეტი ხანია, გაქრა, კონტინენტზე ისევ გამოჩნდა. ბევრი მეცნიერი ფიქრობდა, რომ მბზინავი ბუმბულისა და გამორჩეული, მოხრილი ნისკარტის მქონე ფრინველის არსებობა, რომელიც ოდესღაც სამ კონტინენტზე ბინადრობდა, მხოლოდ ფანტაზიის ნაყოფი იყო. ძველ კულტურებში მელოტ იბისს სიმბოლური დატვირთვა ჰქონდა, მას იეროგლიფითაც  გამოსახავდნენ, რაც "სულს" ნიშნავდა.

„თუმცა, მე-20 საუკუნის ბოლოს, ამ სახეობის ფრინველის პოპულაცია შემცირდა და მხოლოდ [მაროკოში] 59 სანაშენე წყვილი დარჩა. ადამიანის საქმიანობამ, მათ შორის ნადირობამ, ჰაბიტატის განადგურებამ და პესტიციდების გამოყენებამ, ფრინველი გადაშენების პირას მიიყვანა. მიუხედავად ამისა, ბუნების დამცველთა ძალისხმევების შედეგად, ჩრდილოეთის მელოტი იბისი კვლავ იწყებს გამრავლებას“, - წერს CNN-ი.

ჩრდილოეთის მელოტი იბისების დარჩენილი ველური პოპულაცია ძირითადად მაროკოშია ნაპოვნი, სადაც გარემოს დამცველებმა მათი რაოდენობა დაასტაბილურა. დღესდღეობით, ველურ ბუნებაში 500-ზე მეტი ინდივიდი ბინადრობს და ბუნების დაცვის საერთაშორისო კავშირმა ამ სახეობის სტატუსი „კრიტიკულად საფრთხის წინაშე მყოფი“-დან „გადაშენების პირას მყოფად“-მდე დაიყვანა. 
ჩრდილოეთის მელოტი იბისები, რომლებიც ბუდეებს კლდეებში, კლდოვან რელიეფებსა და ურბანულ ნანგრევებშიც იშენებენ, მწერებითა და ლარვებით იკვებებიან. თუმცა ისინი იძულებულნი არიან, რომ თავიანთი ჰაბიტატების შორეულ და ცვალებად ბუნებასთან ადაპტირდნენ.