“ძალიან ბევრნი თუ ვიქნებით არ არსებობს მათი ქაღალდი და დაშინების კანონები. თუ არ ვიქნებით ბევრნი, მაინც მოვიგებთ, უბრალოდ მეტი დრო დაგვჭირდება და მეტი მსხვერპლი”.  - ამის შესახებ კოალიცია “ცვლილებისთვის” ერთ-ერთი ლიდერი, ელენე ხოშტარია 2 თებერვლის აქციასთან დაკავშირებით სოციალურ ქსელში წერს:

"ყველა ადამიანი, მოქალაქე ინდივიდუალურად წყვეტს რა გააკეთოს და როგორ იბრძოლოს ან არ იბრძოლოს. ამაში ჩარევის და განსჯის უფლება არავის აქვს. ვინ როდის რა აქციაზე გავა არავის საქმეა. 
უბრალოდ ყველა ამ გადაწყვეტილებას თავის შედეგი მოყვება, მოქმედებასაც და არმოქმედებასაც. 
ხვალ მგონია რეჟიმმა ჩათვალა ეხლა ამათ შევაშინებ და მორჩებაო. მაგათ არც მაგისტრალი იციან და არ სტრატეგიული ინტერესები. პროტესტის ჩახშობა უნდათ. 
ეხლა ჩვენ უნდა დავფიქრდეთ მათ მოგონილ ამ სტრატეგიაზე როგორ ვპასუხობთ
ერთადერთი პასუხია ყველა ერთად და ბევრი ადამიანის ნების ჩვენება, რომ ამ მოგონილ რუსულ თამაშში არ ვნებდებით. პათეტიკურად კი არა, კონკრეტულად არ ვნებდებით ხვალ. 
ძალიან ბევრნი თუ ვიქნებით არ არსებობს მათი ქაღალდი და დაშინების კანონები. თუ არ ვიქნებით ბევრნი, მაინც მოვიგებთ, უბრალოდ მეტი დრო დაგვჭირდება და მეტი მსხვერპლი. 
როგორც პოლიტიკოსი, ყველამ მინდა იცოდეთ, პირველები ვიდგებით ხვალ" - წერს ხოშტარია. 

შეგახსენებთ, 16 საათზე თბილისის გასასვლელის გადაკეტვა იგეგმება. 

შეგახსენებთ, რომ „სტრატეგიული ან/და განსაკუთრებული მნიშვნელობის ობიექტების ნუსხას“ საერთაშორისო მნიშვნელობის საავტომობილო გზები დაემატა. შესაბამისი დადგენილება მთავრობამ 31 იანვარს გამოსცა და მას ხელს ირაკლი კობახიძე აწერს.

განცხადება გაავრცელა შსს-მაც.