სამხედრო ბლოგერის, უჩა აბაშიძის დაკავებას მისი ძმა გამოეხმაურა. მისი თქმით, უჩა სტრაიკბოლის ფედერაციის ხელმძღვანელია, ამიტომ ბევრი სათამაშო იარაღი აქვს და პოლიციამ მისი ბინიდან სათამაშო იარაღები გამოიტანა. 

"უჩა მოლაშქრეა, ყველამ იცის, მილიტარისტია... სტრაიკბოლის ფედერაციის ხელმძღვანელია, სათამაშო იარაღები გამოიტანეს...". - თქვა უჩა აბაშიძის ძმამ.

მისივე თქმით, უჩას დარეგისტრირებული იარაღებიც აქვს.

"მათ შორის დარეგისტრირებული იარაღიც. როგორც მახსოვს, ორი აქვს. ერთი სანადირო თოფი აქვს". - თქვა უჩა აბაშიძის ძმამ.

უჩა აბაშიძის ადვოკატის თქმით, დაკავებულს ამ ეტაპზე ეუბნებიან, რომ იარაღის უკანონო შეძენა-შენახვაშია ბრალდებული.