მისი თქმით, „ნაციონალური მოძრაობა“ არ დაელოდა 2021 წლის თვითმმართველობის არჩევნებს მეორე ტურის შესახებ ეუთო/ოდირისა და ევროპარლამენტის სადამკვირვებლო მისიების პირველად ანგარიშს და არჩევნების პირველადი შედეგები ისე გააპროტესტა.

„ობიექტური საერთაშორისო დამკვირვებლების დასკვნის გაცნობამდე, „ნაციონალურმა მოძრაობამ“ ერთი საათით ადრე დააანონსა, რომ ისინი კვლავ აპირებენ აქციების მოწყობას. ეს აჩვენებს კიდევ ერთხელ იმას, რაზეც ეუთო/ოდირიც საუბრობს, რომ ეს პოლარიზაცია, სხვისი აზრის მიუღებლობა და ზოგადად ობიექტური ჭეშმარიტების აღიარების შეუძლებლობა, რომელიც ახასიათებს „ნაციონალურ მოძრაობას“ საერთო ჯამში ვნებს ჯანსაღ პოლიტიკურ პროცესს. ისინი არც კი დაელოდნენ სადამკვირვებლო მისიების შეფასებას, თავსი აღქმით, დამოკიდებულებით, თავისი სურვილებით ხელმძღვანელობენ და დააანონსეს ეს აქცია“, - აღნიშნა პაპუაშვილმა.