მეცნიერებმა დინოზავრის ნაკვალევი ვიქტორიანული ეპოქის ქალაქ პენარტში, გლამორგანის ველზე, პირველად  2020 წელს იპოვეს, შემდეგ კი ანაბეჭდების წარმოშობის ფართოდ შესწავლა დაიწყეს. მათი თქმით, ნაკვალევი გიგანტური დიპლოდოკუსის ადრეულ წინაპარს ეკუთვნის და ტრიასული პერიოდით თარიღდება.

ნაკვალევს 3D გამოსახულების უახლესი ტექნოლოგიის გამოყენებით სკანირება ჩაუტარდა; ექსპერტების თქმით, ნაკვალევს დროთა განმავლობაში ზღვა გადარეცხავს.  

დინოზავრის ნაკვალევზე კვლევა ჩაატარა კარდიფის უნივერსიტეტის, უელსის ეროვნული მუზეუმის, ბუნებრივი ისტორიის მუზეუმის, ლივერპულის ჯონ მურის სახელობის უნივერსიტეტისა და ლიონის უნივერსიტეტის პალეონტოლოგთა ჯგუფმა.