სამოყვარულო კრივის ასოციაცია (IBA) საერთაშორისო ოლიმპიური კომიტეტის რიგებიდან გარიცხეს – ეს გადაწყვეტილება 2024 წლის ოლიმპიური თამაშების დაწყებამდე, პარიზში, საერთაშორისო ოლიმპიური კომიტეტის 142-ე სესიაზე მიიღეს და მას მხარი ყველა დელეგატმა დაუჭირა.

ამჟამად IBA-ს პრეზიდენტი რუსი უმარ კრემლევია. ეს ორგანიზაცია ერთადერთი იყო, რომელმაც დოპინგის მიღებაში შემჩნეულ რუს სპორტსმენებს არანაირი შეზღუდვა არ დაუწესა და 2019 წლიდან საერთაშორისო ოლიმპიური კომიტეტი კრივის საკვალიფიკაციო და ოლიმპიურ ტურნირს თავად უწევს ორგანიზებას.

პარიზის 33-ე ოლიმპიურ თამაშებზე კრივის ტურნირზე საქართველოს სახელით ლაშა გურული და გიორგი ყუშიტაშვილი იასპარეზებენ.

ოლიმპიური თამაშები 26 ივლისს გაიხსნება, ხოლო შეჯიბრებები 27 ივლისიდან დაიწყება.