პარლამენტის შენობასთან საპროტესტო აქციის მონაწილეები იკრიბებიან.

აქციის მონაწილეები პარლამენტთან გათავსებულ რკინის ჯებირებს ურტყამენ ხელებს და ამ ფორმით გამოხატავენ პროტესტს.

აქციის გამო, რუსთაველის გამზირი გადაიკეტა. პარლამენტის მიმდებარე ტერიტორიაზე მობილიზებულია პოლიცია.

მოქალაქეები უკვე თვეზე მეტია ქვეყანაში ახალი არჩევნების ჩატარებას და აქციებზე დაკავებულების გათავისუფლებას მოითხოვენ.

აქციის მონაწილეებს გაშლილი აქვთ საქართველოსა და ევროკავშირის დროშები, ასევე სხვადასხვა შინაარსის ბანერი. თბილისის გარდა, საპროტესტო აქცია დღეს რეგიონებშიც არის დაგეგმილი.