ნიგერიაში, ნავის გადაბრუნების შედეგად, სულ მცირე, 60 ადამიანი დაიღუპა. ბორტზე, სულ 300 მგზავრი, ძირითადად, ქალები და ბავშვები იმყოფებოდნენ, რომლებიც ნიგერიის ჩრდილოეთ ნიგერის შტატში გამართული რელიგიური ფესტივალიდან ბრუნდებოდნენ.
ადგილობრივი ხელისუფლების ინფორმაციით, ნავი მაშინ გადაბრუნდა, როდესაც 300-ზე მეტი მგზავრი მდინარე ნიგერზე გადაჰყავდა. დაახლოებით 160 ადამიანის გადარჩენა მოხერხდა. სამაშველო სამუშაოები ამ დრომდე გრძელდება.

ჯერჯერობით უცნობია, თუ რატომ ჩაიძირა ნავი. როგორც Reuters-ი წერს, ნიგერიის წყალგამტარ გზებზე ნავის ავარიების უმეტესობა მგზავრებით გადატვირთულობისა და ტექნიკურად გაუმართაობის გამო ხდება.